DSC_1542

GLFની ABC! #gujlitfest

ગુજરાત લિટરેચર ફેસ્ટીવલ કે GLF કે #gujlitfest એ ગુજરાતનો સૌપ્રથમ અને સૌથી વધુ લોકપ્રિય સાહિત્યનો ઉત્સવ છે. વિનામુલ્યે પ્રવેશ સાથે વાંચકો અને સર્જકો દર વર્ષે યોજાતા આ ઉત્સવમાં પોતાની સાહિત્યિક સર્જનાત્મકતા વ્યક્ત કરે છે અને તેમાં માધ્યમનું કોઈ જ બંધન નથી. અમે માનીએ છીએ કે સાહિત્ય એ પુસ્તકના બે પૂંઠા વચ્ચે નહિ પણ અસંખ્ય ભાષાઓ અને માધ્યમો વચ્ચે મુક્ત વાતાવરણમાં ખીલી ઉઠે છે. આ ઉત્સવમાં બધા માટે જગ્યા છે. એમાં પુસ્તકના લેખકો, કવિઓ, નાટ્યકાર, ફિલ્મ લેખકો, ગીતકાર, બ્લોગર્સ, પત્રકારો, સોશિયલ મીડિયા ઉપર લેખન કરતા લોકો અને અન્ય સહિત બધાને પોતાની સર્જનાત્મકતા માટે ઉત્સાહજનક વાતાવરણ પૂરું પાડે છે.

ગુજરાતી લેખકો અને સાહિત્યનું સર્જન કરતા લોકો ઉપર ધ્યાન કેન્દ્રિત હોવા છતાં ઉત્સવના દરવાજા અન્ય ભાષા માટે પણ ખુલ્લાં રહે છે. પાંચ વર્ષમાં અંગ્રેજી, હિન્દી, ઉર્દૂ, મરાઠી, બંગાળી, મલયાલી, રાજસ્થાની અને અન્ય ભાષાઓ અંગે પણ કાર્યક્રમો યોજાયા છે.

એક જ છત નીચે, એક જ પ્લેટફોર્મ ઉપર #gujlitfest થકી અમે વિચારો અને સર્જનોને સાથે જોડ્યા છે. એમાં ફિલોસોફી, સ્ટોરી ટેલર તેમના કાલ્પનિક પાત્રો સાથે જુસ્સેદાર વાંચન લાવે છે તો ક્યાંક લોક સંસ્કૃતિ સાથે જોડાવાનો મોકો મળે છે. ફિલ્મ લેખકો અને ગીતકારો સાથેનું સત્ર તો ચૂકવું જોઈએ જ નહિ. વાંચકો સાથે સીધો સંવાદ કરી સોશિયલ મીડિયા અને બ્લોગર્સ ણ પોતના વિચારો રજૂ કરે છે. ભાષાઓના વૈવિધ્ય વચ્ચે #gujlitfest ઉપસ્થિત વ્યક્તિને સાહિત્ય સર્જનાત્મકતાની દુનિયામાં સીધો જ પ્રવેશ કરવાનું એક દ્વાર બની જાય છે.

#gujlitfestની અત્યારસુધીની દરેક સિઝન અમદાવાદ ખાતે સાહિત્ય રસિકો માટે વિના મુલ્યે પ્રવેશ સાથે યોજાઈ છે. આ મફત પ્રવેશ એ સમાજ સાથેની સંવેદનશીલતા અને મુક્ત લોકશાહીના વિચાર સાથે તાલ મિલાવે છે. આ મુક્ત વિચાર સાથે વિશ્વના શ્રેષ્ઠ સર્જકો અને વિચારકોને એક જ પ્લેટફોર્મ ઉપર અને પ્લેટફોર્મથી દુર મુક્ત ચર્ચા, વાર્તાલાપ, મિલાપ અને મંત્રણા પૂરી પડવાનું કામ #gujlitfest કરે છે.

GLFની આધારશિલા

સાહિત્ય અંગે બડાશો નહિ હાંકતા કે મિથ્યાભિમાન નહી ધરાવતા લોકોમાંથી એક એવા અમે સાહિત્ય રસિયા છીએ. આ ઉત્સવ થકી અમને સાહિત્યને તેમના રસિકોની નજરે જોવાનો, તેનું અર્થઘટન કરવનો અમને મોકો મળે છે. અમારી આવડત અલગ હોવા છતાં સાહિત્ય પ્રત્યે અમારો પ્રેમ અમને એક એવી ઇવેન્ટ કે ઉત્સવ શરુ કરવાની પ્રેરણા આપે છે. વાંચનનો શોખ અને બહુ ઝડપથી રસપ્રદ બની રહેલા સાહિત્ય વિશ્વના કારણે અમને #gujlitfest મહોત્સવનો વિચાર આવ્યો છે. અમે આ પ્લેટફોર્મ થકી યુવાન લેખકો અને વાંચકો વધુ ઝડપે વિકસે તેવા સતત પ્રયત્ન કરી રહ્યા છીએ.

photo

શ્યામ પારેખ

ફેસ્ટીવલ ડીરેક્ટર

પૂર્વ તંત્રી, પત્રકારત્વના શિક્ષણકર અને રાજકીય વિશ્લેષક એવા શ્યામ પારેખ સમાચાર માધ્યમનો ૨૫ વર્ષ\થી વધુનો અનુભવ ધરાવે છે. તે અમદાવાદથી પ્રકાશિત DNA અખબારના નિવાસી તંત્રી હતા અને ભૂતકાળમાં અન્ય અખબારોમાં પણ પોતાની સેવા આપી ચુક્યા છે. ચુંટણીઓના વિસ્તુત કવરેજ ઉપરાંત શ્યામ પર્યાવરણ અને કુદરતી આફતો સંબંધિત સમાચારોમાં મહારથ ધરાવે છે. સાહિત્યના વિદ્યાર્થી હોવા ઉપરાંત તેમને ખગોળ, અવકાશ વિજ્ઞાન, વિજ્ઞાન અને ટેકનોલોજી અને પર્યાવરણ જેવા વિષયો તેમની જીજ્ઞાસા છે. વર્ષોથી શ્યામ પોતાના મનમાં એક સાહિત્ય ઉત્સવ અને પત્રકારત્વની કોલેજ શરુ કરવાનું વિચારતા રહ્યા છે.

photo

સમકિત શાહ

ફેસ્ટીવલ પ્રોડ્યુસર

સમકિત શાહ એ ફર્સ્ટ જનરેશનના બીઝનેસ સાહસિક છે. એમની વ્યક્તિગત જીજ્ઞાસાના કારણે એ દર વર્ષે #gujlitfestને એક નવા અવતારમાં રજુ કરે છે. તે Linguastic નામની કંપનીના CEO છે જે ૪૦થી વધુ ભાષાઓમાં વિવિધ કંપનીઓને ભાષા સંબંધિત સેવાઓ આપે છે. જયારે શહેરી વાતાવરણની કંટાળો આવે ત્યારે જીવનમાં નવા રસ ભરવા તેઓ સ્ટેન્ડ અપ કોમેડિયન પણ બની જાય છે. સંપૂર્ણ આશાવાદી માનસ ધરાવતા સમકિત એક પ્રખર મુસાફર પણ છે.

photo

નિહારિકા શાહ

આઉટરીચ ડીરેક્ટર

ઐતિહાસિક વારસાનું સંવર્ધન અને કલાત્મક ચીજોની જાળવણી એ નિહારિકા શાહનો વ્યવસાય છે. તે અમદાવાદ સ્થિત પ્રસિધ્ધ કનોરીયા સેન્ટર ફોર આર્ટસના અધ્યક્ષ છે. ભૂતકાળમાં તેમણે ઘણા ટીવી શોમાં હોસ્ટ તરીકે કામગીરી કરી છે. લોકોને પોતાની માતૃભાષા સાથે જોડવાની જીજીવીશા સાથેની તમન્ના સાથે #gujlitfestને યોગ્ય સ્વરૂપ આપવા નિહારિકાએ અમૂલ્ય યોગદાન આપ્યું છે.

photo

રાજેન્દ્રભાઈ પટેલ

ફેસ્ટીવલ મેન્ટર

રાજેન્દ્રભાઈ એક લેખક છે, એક કવિ છે અને એટલું જ નહિ પોતે એક સંસ્થા પણ છે. એક વ્યક્તિની સેનાની જેમ કાર્ય કરી તેમણે એકલા હાથે ગુજરાતના સાહિત્ય રસિયામાંથી ચૂંટી કાઢી તેમણે કેટલાયને લેખક કે કવિ તરીકે જન્મ આપ્યો છે. વ્યવસાયે તે એક ફાર્મા કંપનીના માલિક છે જેનું સંચાલન ગાંધી મુલ્યોના આધારે કરવામાં આવી રહ્યું છે. રસિયાઓ એકબીજા સાથે મફતમાં પુસ્તકોની વહેંચણી કરી શકે તેવા ‘પુસ્તકની પરબ’ના ક્રાંતિકારી વિચારના તેઓ જન્મદાતા છે. આ ઉપરાંત તેઓ માતૃભાષા અભિયાનના સ્થાપક અને ગુજરાતી સાહિત્ય પરિષદના ઉપાધ્યક્ષ છે.

photo

અદિતિ દેસાઈ

ફેસ્તીવલ એડવાઈઝર

એક નાટ્યલેખક, નાટ્ય નિર્દેશક એવા અદિતિ દેસાઈ ગુજરાતી રંગભૂમિના આધારસ્તંભ સમાન છે. તમણે ગુજરાતી રંગભૂમિના સૌથી ઉમદા એવા કેટલાક નાટકોનું દિગ્દર્શન કર્યું છે. આવા નાટકોમાં ‘કસ્તુરબા’, ‘અકુપાર’, ‘સમુદ્ર મંથન’ અને ‘ધાડ’નો સમાવેશ થાય છે. તેમણે રંગભૂમિ અને નાટકોને પ્રોત્સાહન આપતી જશવંત ઠાકર મેમોરિયલ ફાઉન્ડેશનની સ્થાપના પણ તેમણે કરી છે.

photo

અભિષેક જૈન

ફેસ્ટીવલ એડવાઈઝર

ગુજરાતી ફિલ્મોમાં દીવાદાંડી એવા અભિષેક જૈન એક બહુમુખી પ્રતિભા ધરાવતા વ્યક્તિ છે. અભિષેક સિનેમા અને સિનેમા લેખન જેવું વૈવિધ્ય તેઓ ફેસ્ટીવલમાં લાવે છે.

photo

RJ દેવકી

ફેસ્ટીવલ એડવાઈઝર

ગુજરાતમાં FM રેડિયોમાં સૌથી મોટું નામ ધરાવતા RJ દેવકી ગુજરાતી ભાષામાં સૌથી ઉમદા વક્તા અને રંગભૂમિના નામાંકિત વિભૂતિ છે. તેમના ઉત્સાહ અને રસના કારણે યુવાનો ગુજરાતી રંગભૂમિ તરફ આકર્ષાયા છે.